Flugmenn

Einkaflugmannsnám
Hér er gróf lýsing á því hvernig einkaflugmannsnámið gengur fyrir sig.

Náminu má skipta í tvo hluta a) bóklegt og b) verklegt.

Bóklegt:
Bóklegi hlutinn fyrir einkaflugmannsprófið er yfirleitt tekinn á 3. - 4. mánaða kvöldnámskeiði sem oftast er haldið frá kl. 19 - 22.   Einnig geta flugnemar setið bóklegt sumarnámskeið og einnig hefur verið boðið upp á bóklegt fjarnám.

Lágmarkseinkunn er 7,5 í öllum fögum og þarf að standast próf hjá flugskóla svo hægt sé að fara í próf hjá Flugmálastjórn.

Fögin í bóklega hlutanum eru eftirfarandi: 
  • veðurfræði
  • afkastageta og áætlunargerð
  • vélfræði
  • flugeðlisfræði
  • fjarskipti
  • flugreglur
  • mannleg geta og takmörk
  • verklagsreglur

Verklegt:
Verklegi hluti námsins saman stendur af lágmark 45 klst og þar af: 

    • Lágmark 12 tímar með kennara áður en nemandi fer í sitt fyrsta sóló   (einflug). Þó er algengt 15-25 klst.
    • Lágmark 10 tímar sóló (nemandi flýgur einn) og þar af 5 tímar í yfirlandsflugi.
    • Flugneminn lærir að gera fyrirflugsskoðun, þyngdarútreikninga og flugplan fyrir hvert flug.
    • Í fyrstu flugtímunum er algengt að 10-20 mínútna töflukennsla fari fram þar sem flugið er rætt og hvaða æfingar verði framkvæmdar og æfðar í fluginu.
    • Að loknu flugi fara nemandi og kennarinn yfir flugið, hvað gekk vel og hvað hefði mátt betur fara.

Hér eru nokkrar af helstu æfingunum í verklegu einkaflugmannsnámi.

Undirbúningur fyrir flug:

 Þekking á flugvélinni          Upphaf spuna        
 Hleðasla og jafnvægi  Beygjur í lækkun
 Fyrirflugsskoðun  Lækkun með og án afls    
 Gangsetning flugvélar  Flugvél rétt af eftir lækkun    
 Akstur flugvélar  Koma að flugvelli / leiðir

 Flugtök og lendingar      Neyðarviðbrögð    
 Venjuleg flugtök  Líkt eftir hreyfilbilun við flugtak    
 Hliðarvindaflugtök  Nauðlending / Neyðarviðbrögð
 Stuttbrautarflugtök án hindurnar      Varúðarlending / bilanir
 Mjúkbrautarflugtök m/hindurn  Aðflug og lending án afls
 Mjúkbrautarflugtök án/hindrunar  Missir fjarskiptasambands
 Brottflug frá flugvelli  Ljósmerki
   
 Flugleiðsaga    
 Stefnur og tímataka (ETA)    
 Kortalestur VOR / ADF
 Breytt um ákvörðunarstað

 Flugæfingar      Aðflug og lendingar    
 Klifur (Vx - Vy)      Hliðarskrið
 Klifurbeygjur  Framskrið
 Umferðarhringur      Fráhvarfsflug úr lágri hæð    
 Flugvél rétt af eftir klifur       Skipt um flugbraut
 Beint og lárétt flug / hraðabeygjur      Nákvæmnislendingar (spot)    
 Meðalkrappar (30gr) beygjur  Stuttbrautarlendingar m/hindrun    
 Krappar (45gr+) beygjur  Stuttbrautarlendingar án hindrunar    
Hægflug / með og án flapa                   Mjúkbrautarlendingar m/hindrun        
 Drægi og flugþol  Mjúkbrautarlendingar án hindrunar
 Flug á hættulega lágum hraða (MCA)  Lendingar án flapa
 Ofris, endurheimting án afsl  Snertilendingar
 Ofris, endurheimting m/afli  Viðbrögð við skoppi
 Byrjunarofris í lendingarham  Hliðarvindslendingar
 Ofris með afli  Venjulegar lendingar
 Vængjavagg  Notkun talstöðvar
 Gormadýfa (Spíral)                                Aðgerðir eftir flug / frágangur             
 Óeðlileg afstaða  

Að lokum: 

Þegar flugneminn hefur lokið öllum hlutum verklegs og bóklegs náms auk þess sem kennarinn og flugskólinn meta hann hæfan þá er farið í verklegt lokapróf á vegum Flgumálastjórnar.

Flugskólar sem kenna til einkaflugmanns:
Flugfélagið Geirfugl                www.geirgufl.is
Flugakademían Keilir              www.keilir.net/flugakademian
Flugskóli Íslands                     www.tskoli.is/flugskoli-islands/
Flugskóli Akureyrar
Flugskóli Helga Jónssonar    www.flugskolinn.is

Að viðhalda skírteini:

Til að byrja með gildir einkaflugmannsskírteinið í 2 ár og svo í 5 ár eftir fyrstu endurnýjun. Eins hreyfils bulluhreyflaáritun (SEP) gildir svo í tvö ár. Til að viðhalda SEP árituninni þarf nemandi að fljúga 12 tíma á seinna árinu og fara í eitt flug með flugkennara eða annað prófflug (t.d flughermir hjá atvinnuflugmönnum).

Ef 12 tímarnir hafa ekki verið flognir á seinna árinu eða ekki hefur verið farið í flug með kennara þarf að fara í flug með prófdómara frá Flugmálastjórn (svokallað PFT). Þetta flug er ekki jafn viðamikið og verklega lokaprófið fyrir einkaflugmanninn.

Að endurnýja skírteini

Ef einkaflugmaður hefur ekkert flogið í allt að 3 ár dugir flug (PFT) með prófdómara.

Ef einkaflugmaður hefur ekki flogið í meira en 3  ár en skemur en 5 ár þarf að taka próf í flugreglum ásamt prófi (PFT) með prófdómara.

Ef einkaflugmaður hefur ekkert flogið í 5 ár en skemur en 7 ár þarf að taka próf í  flugreglum og heilbrigðisfræði ásamt prófi (PFT) með prófdómara.

Hafi einkaflugmaður ekkert flogið í meira en 7 ár þarf að taka öll bókleg próf aftur ásamt prófi (PFT) með prófdómara.

Hins vegar dugir upprifjunarnámskeið og próf hjá flugskólum en nemandi þarf þá að sýna Flugmálastjórn fram á að hann hafi setið upprifjunarnámskeið hjá tilteknum skóla og þreytt tiltekið/n próf.

Ef flugmenn eru með CPL (atvinnuflugmannsskírteini) þarf ekki að taka nein bókleg próf  en fara þarf í PFT.